Майкрософт мэтийн олон улсад үйл ажиллагаа явуулдаг компаниуд өөрсдийн бизнесээ тухайн улсын хэрэглэгчдэд нь тохируулж эрхлэх нь элбэг. Гэхдээ энэ удаад, Майкрософт компани арай хэтрүүлсэн бололтой. Өнгөрсөн долоо хоногт ширээ тойрон суугаа ажилчдын зураг Майкрософтын америк веб хуудсан дээр тавигджээ. Харин энэ веб хуудасны польш хувилбар дээр нь хар арьстай ажилчны толгойг Фотошоп ашиглан цагаан арьстанаар солисон байжээ. Сайн ойртоод харвал, цагаан арьстай болсон ажилчны гар нь хар арьстай хэвээр үлдсэн байв. 
Програм хангамжийн салбарын тэргүүлэгч Майкрософт корпораци ийм алдаа гаргасандаа уучлалт гуйж, өнөөх зургаа тэр дор нь буулгасан байна. Гэсэн ч энэ явдал аль хэдийн интернетээр шуугиан тарьж амжьсан бөгөөд зургийг олон хүмүүс өөрсдийн блог дээрээ байрлуулсан гэнэ. Зарим хүмүүс Майкрософтыг арьс өнгөөр ялгаварлалаа гэж дургүйцэж байсан бол зарим нь арай тайвнаар хүлээн авч, харьцангуй жигд цагаан арьстануудаас бүрдсэн Польш хүн амд зориулсан юм байлгүй дээ хэмээн зөвтгөжээ. Ямартай ч байсан, энэ Майкрософтод том сургамж болсон ба бусад маркетерүүдэд зөвлөхөд : “Ганц улсын төлөө ажилах үедээ ч глобаль хэмжээнд сэтгэ! Таны хэрэглэгчид үргэлж таны бодож байгаагаас илүү өргөн хэмжээ хязгаарт оршидог гэдгийг бүү март!”.
No comments:
Post a Comment